|
DREJTORIA E PERGJITHSHME E PYJEVE DHE KULLOTAVE
Nga Drejtoria e Përgjithshme e Pyjeve dhe Kullotave (DPPK) lëshohen të gjitha lejet / liçensat profesionale që lidhen me:
1. Studime apo projektime të punimeve pyjore
2. Zbatime të punimeve pyjore
Liçensat profesionale në fushën e pyjeve dhe kullotave lëshohen mbi bazë të Rrregullores nr.1, dt.21.03.1998 me shtesat dhe ndryshimet e paraqitura në Rregulloren nr.2, dt.24.04.2003. Aktivitetet e liçensueshme në secilën nga fushat e mësipërme përmblidhen në tabelën e mëposhtme.
Studime apo projektime të punimeve pyjore |
Zbatime të punimeve pyjore |
• për hartimin e planeve të menaxhimit të pyjeve, florës spontane, gjuetisë sportive e turistike të kullotave
• për hartimin e projekteve të pyllëzimit
• për hartimin e projekteve të trajtimit të pyjeve
• për hartimin e projekteve të shfrytëzimit të qëndrueshëm të pyjeve
• për hartimin e projekteve të menaxhimit të pellgjeve ujëmbledhës
• për studimin e mbritshmërisë dhe ndërtimin e rrugëve pyjore
• për studime fitopatologjike entomologjike dhe zjarreve në pyje
• për studimin e menaxhimit e përdorimit të territorit
• për studimin e rezervave gjenetike pyjore dhe biodiversitetin |
• për pyllëzimet
• për përmirësimin e pyjeve
• për shfrytëzimin e qëndrueshëm të pyjeve
• për sistemimet malore
• për ndërtimin e rrugëve pyjore
• për grumbullimin dhe vjeljen e qëndrueshme të prodhimeve pyjore jo drusore dhe florës spontane mjekësore e tanifere
• për ushtrimin e gjuestisë sportive e turistike të faunës së egër
• për mbrojtjen nga sëmundjet, dëmtuesit dhe zjarret
• për punime në kullota, livadhe dhe ndërtimin e merementimin e veprave për sigurimin e ujit të pijshëm në kullota e livadhe
|
Këto fusha liçensimi janë të vlefshme si për pyjet në pronësi shtetërore ashtu dhe për ato në pronësi private.
Autoritetin për miratimin apo refuzimin e lejeve profesionale e ka Komisioni i Dhënies së Lejeve Profesionale, përbërja e të cilit jepet më poshtë:
• Drejtori i Përgjithshëm (Kryetar)
• Drejtori i Pyjeve dhe Kullotave (Anëtar)
• Juristi (Sekretar)
• Drejtori i Policisë Pyjore (Anëtar)
• Drejtori i Menaxhimit të Zonave të Mbrojtura (Anëtar)
• Drejtori i Drejtorisë së Financës (Anëtar)
• Drejtori i Drejtorisë së Pyjeve Komunale dhe Ekstensionit (Anëtar)
• Përgjegjësi i Sektorit të Silvikulturës dhe Trajtimit të Burimeve
• Pyjore (Anëtar)
• Përgjegjësi i Sektorit të Marketingut (Anëtar)
• Përgjegjësi i Sektorit të Kullotave (Anëtar)
• Përgjegjësi i Sektorit të Kadastrës dhe Mbarështrimit (Anëtar)
Të gjithë personat fizikë apo juridikë që pajisen me liçensë profesionale (Model 1) duhet të rregjistrohen në rregjistrin themeltar të mbajtur nga komisioni i dhënies së lejeve.
1. Kriteret për marrjen e lejeve profesionale
Me liçensë profesionale mund të pajiset çdo person privat, juridik apo fizik. vendas që kërkon të kryejë një nga aktivitetet e përmendura më sipër. Leje profesionale mund të marrë edhe çdo person juridik i huaj. Lejet profesionale për personat fizik a juridik jepen në përputhje me specialitetin e përcaktuar në diplomë si dhe me kualifikimet e kryera brenda apo jashtë vendit e të vërtetuara me çertifikatë.
Në bazë të rregullores nr.2, dt.24.04.2003, i jepet e drejta për të ushtruar aktivitetin:
• Në fushën e studimeve, projektimeve të punimeve pyjore
Inxhinierit të pyjeve të diplomuar pranë Fakultetit të Shkencave Pyjore, Tiranë, në degën: Inxhinieri e silvikulturës; Inxhinieri e përgjithshme; Inxhinieri e shfrytëzimit; Inxhinieri e mbarështrimit dhe shfrytëzimit të pyjeve, ose jashtë shtetit me të njëjtën cilësi diplome kur plotëson një nga kushtet respektive në fushat e mëposhtme:
• Të ketë eksperiencë pune mbi 5 vjet në organet pyjore, institucionet kërkimore shkencore ose organizma të tjerë shtetëror apo privat dhe në këto të fundit të ketë kryer aktivitet me karakter organizativ e studimor.
• Të ketë hartuar një plan për mbarështrimin e pyjeve dhe kullotave, të ketë bërë azhornimin e një plani të tillë, ose të ketë dëshmi kualifikimi.
• Të ketë mbajtur kadastrën pyjore për një periudhë jo më pak se 3 vjet ose të ketë dëshmi të kualifikimit
• Të ketë hartuar jo më pak se 2 projekte pyllëzimi ose të ketë dëshmi kualifikimi
• Të ketë hartuar jo më pak se 2 projekte përmirësimi pyjesh ose të ketë dëshmi kualifikimi
• Të ketë hartuar 2 projekte për sistemimin e pellgjeve ujëmbledhës ose të ketë dëshmi kualifikimi
• Të ketë hartuar jo më pak se 3 projekte teknologjike të trajtimit e shfrytëzimit të pyjeve ose të ketë dëshmi kualifikimi
• Të ketë hartuar jo më pak se 2 projekte për mbirtshmërinë ose për ndërtimin e rrugëve pyjore ose të ketë dëshmi kualifikimi
• Të ketë hartruar ose drejtuar jo më pak se 2 studime për mbarështrimin e florës spontane e bimëve aromatike dhe medicinale ose të ketë dëshmi kualifikimi
• Të ketë hartuar ose drejtuar jo më pak se 2 studime për mbarështimin e faunës së egër ose zonave të mbrojtura
• Të ketë hartuar ose drejtuar jo më pak se 1 studim për rezervat gjenetike pyjore ose biodiversitetin
Shënim : Të gjithë specialistët e pyjeve që kanë fituar tituj dhe kanë mbrojtur grada shkencore konsiderohen ekspert në fushat respektive, panvarësisht nga kriteret e mësipërme.
• Në fushën e zbatimit të punimeve pyjore
• Për pyllëzimet*
• Për sistemimet malore
• Për grumbullimin dhe vjeljen e qëndrueshme të prodhimeve pyjore jo drusore e të florës spontane mjekësore e tanifere*
• Për ushrtrimin e gjuetisë sportive turistike të faunës së egër
• Për mbrojtjen nga sëmundjet, dëmtuesit dhe zjarret
Inxhinierit të pyjeve të diplomuar pranë Fakultetit të Shkencave Pyjore Tiranë, në degën e silvikulturës, i përgjithshëm, mbarështrim e shfrytëzim pyjesh ose jashtë shtetit me të njëjtën cilësi diplome.
• Për mbritshmërinë dhe ndërtimin e rrugëve pyjore
Inxhinierit të pyjeve të diplomuar pranë Fakultetit të Shkencave Pyjore Tiranë në degën e shfrytëzimit, mbarështrim e shfrytëzim pyjesh ose jashtë shtetit me të njëjtën cilësi diplome
• Për përmirësimin e pyjeve
• Për shfrytëzimin e qëndrueshëm të pyjeve*
Inxhinierit të pyjeve të diplomuar pranë Fakultetit të Shkencave Pyjore Tiranë në degën: Inxhinieri e Silvikulturës, Inxhinieri e Përgjithshme, Inxhinieri e Shfrytëzimi, Inxhinieri Mbarështrim e Shfrytëzim Pyjesh, ose jashtë shtetit me të njëjtën cilësi diplome.
* për këto aktivitete, leje profesionale mund t'i jepet edhe teknikut të mesëm të pyjeve me eksperiencë pune mbi 15 vjet
2. Dokumentacioni i kërkuar për marrjen e lejeve profesionale
Dokumentacioni që duhet të parqitet pranë DPPK për marrjen e lejes profesionale jepet i detajuar në tabelën bashkëngjitur Bahkëngjitur ndodhet edhe një model i lejeve profesionale lëshuar nga DPPK. Dokumentat për marrjen e lejeve profesionale nga DPPK pranohen origjinale të daktilografuara. Fotokopjet duhet të jenë detyrimisht të noterizuara (shih tabelën më poshtë).
3. Afatet, tarifat për marrjen e lejeve
Lejet profesionale jepen për një periudhë 3 vjeçare. Pagesat për marrjen e tyre bëhen pranë DPPK dhe tarifat janë si më poshtë:
• Subjektet juridike 20 000 Lekë
• Personat fizikë 9 000 Lekë
Tarifa të njëjta zbatohen dhe në rastin e përtëritjes së lejeve.
Për personin fizik: |
Për personin juridik: |
Për shoqëritë e huaja: |
• Kërkesë me shkrim për aktivitetin(et) që do të ushtrojë, ku shkruhet edhe adresa e plotë e banimit
• Curriculum Vitae
• Vërtetim pune apo librezë pune
• Kopje e diplomës
• Deklaratë personale që personi nuk është i punësuar në institucione shtetërore
• Deklaratë me shkrim, ku personi shpreh se njeh dhe zbaton ligjet dhe aktet nën-ligjore në fuqi, si dhe kushtet teknike e standartet qeveritare në aktivitetin që do të kryejë
• Dëshmi Penaliteti
• Çertifikatë me fotografi
• 2 Fotografi |
• Kërkesë zyrtare e përfaqësuesit ligjor për aktivitetin(et)* që do të kryejë ku përveç gjeneraliteteve do të jepen dhe adresat e plota të banimit dhe selisë së subjektit.
• Kërkesë me shkrim e personit fizik (inxhinier apo teknik), ku pranohet detyra e drejtuesit teknik
• Leja profesionale e personit fizik (inxhinier apo teknik) ose përfaqësuesit ligjor (nëse ai ka një të tillë)
• Statuti i shoqërisë
• Deklaratë me shkrim e përfaqësuesit ligjor, ku shpreh se njeh dhe do të zbatojë ligjet dhe aktet nën-ligjore në fuqi si dhe kushtet teknike e standartet qeveritare për aktivitetin(et) që do të kryejë
• Dëshmi Penaliteti
• Opinioni nga Drejtoria e Shërbimeve Pyjore të Rrethit |
• Kërkesë me shkrim për aktivitetin(et) që do të kryejë në sektorin e pyjeve dhe kullotave, si dhe adresa e plotë e selisë së subjektit
• Dokumenta që vërtetojnë se kryen të njëjtin(at) aktivitet(e) në vendin e vet në sektorin e pyjeve dhe kullotave
• Lejen(et) profesionale të drejtuesit(ve) teknikë të cilët duhet të jenë detyrimisht shqiptarë
• Statuti i shoqërisë
• Kredibiliteti financiar
• Aftësia për zhvillimin e aktivitetit(eve) ku të përfshihen mjete, fuqia punëtore etj.
• Deklaratë ku shpreh se njeh dhe zbaton ligjet dhe aktet nën-ligjore si dhe kushtet teknike të projektimit dhe zbatimit, dhe standartet shtetërore në sektorin e pyjeve dhe kullotave
• Dokument ku vërtetohet se nuk ka detyrime financiare ndaj personave të subjekteve të tretë, në vendin e vet dhe në vendin tonë
• Dëshmi Penaliteti nga institucionet përkatëse të vendit të vet dhe të vendit tonë, që vërtetojnë se nuk i është hequr e drejta e ushtrimit të aktivitetit(eve) që kërkon të zhvillojë |
* Aktiviteti(et) që do të kryhen duhet të jenë detyrimisht në përputhje me atë që përmban leja profesionale e drejtuesit(ve) teknikë ose përfaqësuesit ligjor nëse ai është i pajisur me një të tillë
Model 1
|
